தெருநாய் கடித்து உயிரிழக்கும் கால்நடைகளுக்கு இழப்பீடு

பேரிடர் நிவாரண நிதியின் கீழ் வழங்கப்படும் என அறிவிப்பு

- 

சென்னை, மார்ச் 19: தெருநாய்கள் கடித்து பலியாகும் கால்நடைகளுக்கான இழப்பீடு பேரிடர் நிவாரண நிதியின் கீழ் வழங்கப்படும் என தமிழக அரசு அறிவித்துள்ளது. இதில், ஆடு, கோழியினங்களுக்கு மட்டும் பேரிடர் நிவாரணத்தில் வரையறுக்கப்பட்ட நிதியைக் காட்டிலும் கூடுதலான தொகை அளிக்கப்படுவதாக ஊரக வளர்ச்சி மற்றும் ஊராட்சித் துறை அமைச்சர் ஐ.பெரியசாமி அறிவித்தார்.

தெருநாய்கள் தாக்கி கால்நடைகள் உயிரிழக்கும் சம்பவங்கள் குறித்து, சட்டப்பேரவையில் புதன்கிழமை கொண்டு வரப்பட்ட கவன ஈர்ப்பு அறிவிப்பில் உறுப்பினர்கள் பேசினர். அப்போது நடைபெற்ற விவாதம்:

கே.சி.கருப்பண்ணன் (அதிமுக): ஈரோடு மாவட்டத்தில் மாடு, ஆடு, கோழிகளை தெருநாய்கள் தாக்கிக் கொல்லும் சம்பவங்கள் கடந்த 5 மாதங்களாக நடந்து வருகின்றன. இதுகுறித்து, ஆட்சியரிடம் புகார் அளித்தும் நடவடிக்கை எடுக்கப்படவில்லை. இதனால் பாதிக்கப்பட்ட சிறு விவசாயிகளுக்கு சந்தை மதிப்பின் அடிப்படையில் இழப்பீடு வழங்க வேண்டும்.