கான்வர் யாத்திரை வழித்தடத்தில் உணவு விற்பனையகங்களின் க்யூஆர் குறியீடு: உ.பி. அரசுக்கு உச்சநீதிமன்றம் நோட்டீஸ்

உத்தர பிரதேசத்தில் கான்வர் யாத்திரை வழித்தடத்தில் உள்ள உணவு விற்பனையகங்களில் க்யூஆர் குறியீட்டை காட்சிப்படுத்த வேண்டும் என்று பிறப்பித்த உத்தரவு தொடர்பாக பதிலளிக்குமாறு மாநில அரசுக்கு உச்சநீதிமன்றம் செவ்வாய்க்கிழமை நோட்டீஸ் பிறப்பித்தது.

- 

புது தில்லி, ஜூலை 15:

வட இந்தியாவில் ஹிந்து மத நாள்காட்டியில் சிராவண மாதத்தின்போது சிவலிங்கங்களுக்கு அபிஷேகம் செய்வதற்கு பல்வேறு இடங்களைச் சேர்ந்த பக்தர்கள் கங்கையில் இருந்து புனித நீரை காவடி மூலம் சுமந்து செல்வர். இது கான்வர் யாத்திரை என்றழைக்கப்படுகிறது. இந்த மாதத்தில் யாத்ரிகர்கள் சைவ உணவு மட்டுமே உண்பர். சிலர் பூண்டு, வெங்காயம் சேர்க்கப்பட்ட உணவையும் தவிர்ப்பர்.