மாவட்டங்களில் மகளிர் சுயஉதவிக் குழுவினருக்கு கடனுதவி

அரியலூரில் புதன்கிழமை நடைபெற்ற விழாவில் 596 மகளிர் சுய உதவிக் குழு உறுப்பினர்களுக்கு ரூ.46.11 கோடி மதிப்பிலான நலத்திட்ட உதவிகள் வழங்கப்பட்டன.

- 

அரியலூர், பெரம்பலூர், கரூர், ஜூன் 11:

சுயஉதவிக் குழு தினத்தையொட்டி, சென்னை கலைவாணர் அரங்கில், தமிழ்நாடு மகளிர் மேம்பாட்டு நிறுவனம் சார்பில் புதன்கிழமை நடைபெற்ற விழாவில் துணை முதல்வர் உதயநிதி ஸ்டாலின், மகளிர் சுய உதவிக் குழு உறுப்பினர்களுக்கு மாநில அளவிலான மணிமேகலை விருது மற்றும் வங்கிக் கடன் இணைப்புகளை வழங்கினார்.

இதன் நேரலை அரியலூர் அரசு மருத்துவக் கல்லூரியிலுள்ள அனிதா அரங்கில் ஒளிபரப்பப்பட்டது. இந்நிகழ்ச்சியில் கலந்துகொண்ட போக்குவரத்து மற்றும் மின்சாரத் துறை அமைச்சர் சா.சி.சிவசங்கர், 596 பயனாளிகளுக்கு ரூ.46.11 கோடி மதிப்பிலான கடனுதவிகளை வழங்கினார்.