மருதமலை கோயில் குடமுழுக்கில் தமிழ் புறக்கணிப்பு வழக்குத் தொடுக்க தெய்வத் தமிழ்ப் பேரவை முடிவு

கோவை மாவட்டம், மருதமலை முருகன் கோயில் குடமுழுக்கில் சென்னை உயர் நீதிமன்றத்தின் ஆணையைத் தூக்கியெறிந்து விட்டு, வேள்விச்சாலை பூஜையை சம்ஸ்கிருத மொழியிலேயே நடத்தித் தமிழ் மந்திரங்களை முற்றிலுமாகப் புறக்கணித்த அறநிலையத் துறை அலுவலர் மீது நீதிமன்ற அவமதிப்பு வழக்குத் தொடுக்க தெய்வத் தமிழ்ப் பேரவை முடிவு செய்துள்ளது.

- 

தஞ்சாவூர், ஏப். 4:

இதுகுறித்து அப்பேரவையின் ஒருங்கிணைப்பாளர் பெ. மணியரசன் தெரிவித்தது:

மருதமலை முருகன் கோயிலில் வெள்ளிக்கிழமை நடைபெற்ற குடமுழுக்கைத் தமிழ் வழியில் நடத்த ஆணையிடக் கோரி, கடந்த 2020-இல் சென்னை உயர் நீதிமன்றம் வழங்கிய இரு தீர்ப்புகளைச் சுட்டிக்காட்டி, கோவை சண்டிகேசுவரி சேவை அறக்கட்டளைத் தலைவர் டி. சுரேஷ்பாபுவும், நாம் தமிழர் கட்சி சார்பில் எம்.பி. விஜயராகவனும் சென்னை உயர் நீதிமன்றத்தில் வழக்குத் தொடுத்தனர்.