உலகம் வழக்கத்தைவிட சுவாரஸ்யமாக உள்ளது: ஜெய்சங்கர்

'உலகம் தற்போது வழக்கத்தைவிட சுவாரஸ்யமாக உள்ளது' என்று மத்திய வெளியுறவுத் துறை அமைச்சர் எஸ்.ஜெய்சங்கர் திங்கள்கிழமை கூறினார்.

- 

புது தில்லி, மார்ச் 3: இந்தியா வந்துள்ள பெல்ஜியம் துணைப் பிரதமரும் வெளியுறவு அமைச்சருமான மாக்ஸிம் பிரிவோட் உடனான சந்திப்புக்குப் பிறகு அளித்த பேட்டியில் இந்தக் கருத்தை அவர் தெரிவித்தார்.

அவர் மேலும் கூறியதாவது: சுதந்திர இந்தியாவில் முதல் தூதரகத்தை அமைத்த முதல் ஐரோப்பிய நாடு பெல்ஜியம். இருநாடுகளும் வரலாற்று தொடர்புகளையும் கொண்டுள்ளன. பெல்ஜியத்தில் இன்றும் இந்திய வீரர்களுக்கான போர் நினைவிடங்கள் உள்ளன.