டெல்லியுடன் இன்று மோதும் சென்னை

ஐபிஎல் போட்டியின் 48-ஆவது ஆட்டத்தில் சென்னை சூப்பர் கிங்ஸ் - டெல்லி கேப்பிட்டல்ஸ் அணிகள் செவ்வாய்க்கிழமை (மே 5) மோதுகின்றன.

- 

இரு அணிகளுமே வெற்றி - தோல்வி கணக்கில் சமநிலையுடன் இருக்க, நெட் ரன்ரேட் அடிப்படையில் சென்னை ஒரு இடம் முன்னிலையில் உள்ளது. பிளே-ஆஃப் சுற்றுக்கான பந்தயத்தில் நிலைக்க, இந்த ஆட்டத்தில் வெல்ல வேண்டிய கட்டாயம் இரு அணிகளுக்குமே இருக்கிறது.

சென்னை அணியைப் பொருத்தவரை, நிலையான ஃபார்மில் இல்லாமல் வெற்றி, தோல்வி என ஒன்றையடுத்து ஒன்றாக சந்தித்து வருகிறது. இன்னும் ஒரு தோல்வி, பந்தயத்திலிருந்து வெளியேறும் நிலையைநோக்கி சென்னையை தள்ளிவிடும்.