மறு ஜென்மத்திலும் தொடரும்...

திருநெல்வேலியில் 'ஹிந்து' மூத்த நிருபராகவும், 'சுதேசமித்ரன்' கிளை நிர்வாகியாகவும் இருந்த கே.டி. வரதராஜன் தன் மகள் பத்மாசனியை எனக்குத் திருமணம் செய்து கொடுத்தார். அவர் எனக்கு மனைவியாக அமைந்தது இறைவன் கொடுத்த வரம்தான். அலுவலகத்தில் ஒரு மாதம் பயணம் முடிந்து வந்தால், எனது அடுத்த பயணத்துக்குத் துணிமணிகளைத் தயார் செய்து வைத்திருப்பார் எனது மனைவி. எங்களுக்கு ஐந்து பிள்ளைகள். ஒரே பெண். குடும்பத்தைப் பொறுப்போடு கவனித்துக் கொண்டது அவள்தான். என்னுடைய தாயார் உதவியாக இருந்தார்.

- - எஸ். சந்திரமௌலி

வேலை காரணமாக, குழந்தைகளோடு விரும்பியபடி நேரம் செலவிட முடியாமல் போய்விட்டது என்பதில் எனக்கு அளவில்லாத வருத்தம் உண்டு.

எனது உறவினர்கள் ஸ்ரீனிவாச பாட்ராச்சாரியார், சௌமிய நாராயணாச்சாரியார் ஆகிய இருவரது அபார ஜோதிடக் கலைத்திறனால், எனக்கு பத்து வயதிலேயே ஜோதிடம் மீது ஈர்ப்பு வந்தது. அவர்கள்தான் மிக நுட்பமான 'சோடச சத வர்க்கம்' என்ற அற்புத சூட்சும கணித முறையைச் சொல்லிக் கொடுத்தனர்.

'ஜோதிடம் என்பது ஒருவரது கிரகநிலைகளை ஆராய்ந்து பலன்களைத் தெரிந்துகொள்வதற்கு மட்டுமில்லை; மக்களின் அன்றாடப் பிரச்னைகளை எளிய பரிகாரங்கள் மூலமாகத் தீர்ப்பதற்கே!' என்ற கருத்தில் அழுத்தமான நம்பிக்கை கொண்டவன் நான். அதனால்தான் பலன்களைத் துல்லியமாகக் கணித்து, சாமானியர்களும் செய்யத்தக்க வகையில் எளிய பரிகாரங்களைக் கூறுவேன்.