ஜோகோவிச், ரூன் முன்னேற்றம்

சீனாவில் நடைபெறும் ஷாங்காய் மாஸ்டர்ஸ் ஆடவர் டென்னிஸ் போட்டியில், முன்னணி வீரர்களான செர்பியாவின் நோவக் ஜோகோவிச், டென்மார்க்கின் ஹோல்கர் ரூன் ஆகியோர் காலிறுதிச்சுற்றுக்கு செவ்வாய்க்கிழமை முன்னேறினர்.

- 

ஆடவர் ஒற்றையர் ரவுண்ட் ஆஃப் 16-இல், போட்டித்தரவரிசையில் 4-ஆம் இடத்திலிருக்கும் ஜோகோவிச் 6-3, 5-7, 6-2 என்ற செட்களில் ஸ்பெயினின் ஜேமி முனாரை தோற்கடித்தார். 10-ஆம் இடத்திலிருக்கும் ரூன் 6-4, 6-7 (7/9), 6-3 என்ற கணக்கில், பிரான்ஸின் ஜியோவனி பெரிகார்டை சாய்த்தார்.

பெல்ஜியத்தின் ஜிஸு பெர்க்ஸ் 3-6, 7-5, 7-6 (10/8) என்ற செட்களில், கனடாவின் கேப்ரியல் டியாலோவை வெளியேற்றினார். இதையடுத்து காலிறுதியில், ஜோகோவிச் - பெர்க்ஸ் மோதுகின்றனர்.