அமலாக்கத் துறை குற்றப் பத்திரிகையில் மார்க்சிஸ்ட் கம்யூனிஸ்ட் கட்சி சேர்ப்பு

கேரளத்தில் கருவண்ணூர் சேவை கூட்டுறவு வங்கியில் ரூ.180 கோடிக்கு முறைகேடு நடைபெற்றதாக குற்றஞ்சாட்டப்படும் வழக்கில், அமலாக்கத் துறை தாக்கல் செய்த குற்றப் பத்திரிகையில் மாநிலத்தில் ஆட்சியில் உள்ள மார்க்சிஸ்ட் கம்யூனிஸ்ட் கட்சி சேர்க்கப்பட்டது.

- 

கொச்சி, மே 26: கேரளத்தில் கருவண்ணூர் சேவை கூட்டுறவு வங்கியில் ரூ.180 கோடிக்கு முறைகேடு நடைபெற்றதாக குற்றஞ்சாட்டப்படும் வழக்கில், அமலாக்கத் துறை தாக்கல் செய்த குற்றப் பத்திரிகையில் மாநிலத்தில் ஆட்சியில் உள்ள மார்க்சிஸ்ட் கம்யூனிஸ்ட் கட்சி சேர்க்கப்பட்டது.

கேரள மாநிலம், திருச்சூர் மாவட்டம் கருவண்ணூர் சேவை கூட்டுறவு வங்கி, மார்க்சிஸ்ட் கம்யூனிஸ்ட் கட்சியின் கட்டுப்பாட்டில் உள்ளது. இந்த வங்கிக்கு வழிகாட்டுதல்களை வழங்க அக்கட்சியின் மாவட்ட செயலக உறுப்பினர் சி.கே.சந்திரன் தலைமையில் குழு அமைக்கப்பட்டது.

இந்த நிலையில், அந்த வங்கியில் முறைகேடுகள் நடைபெற்றதாக, அவ்வங்கியின் பொறுப்புச் செயலர் ஸ்ரீகலா 2021-ஆம் ஆண்டு காவல் துறையிடம் புகார் அளித்தார்.