சுங்கச்சாவடி விவகாரம்: உயர்நீதிமன்றம் வேதனை

சுங்கச் சாவடி களில் சிறிய பிரச்னை ஏற்பட்டாலும் பொதுமக்கள் மீது தாக்குதல் நடத்தப்படுவது குறித்து சென்னை உயர்நீதிமன்ற மதுரை அமர்வு வேதனை தெரிவித்தது.

- 

மதுரை, ஜூன் 18:

தூத்துக்குடி மாவட்டத்தைச் சேர்ந்த பாலகிருஷ்ணன் சென்னை உயர்நீதிமன்ற மதுரை அமர்வில் தாக்கல் செய்த பொது நல மனு:

மதுரை - தூத்துக்குடி தேசிய நெடுஞ்சாலை கடந்த 2011-ஆம் ஆண்டு முதல் பயன்பாட்டில் உள்ளது. சுங்கம் வசூலிக்கும் நிறுவனம், இந்தச் சாலையின் இரு புறங்களிலும், நெடுஞ்சாலையின் நடுவிலும் செடிகளை நட்டு பராமரிப்பது உள்ளிட்ட அடிப்படை வசதிகளை ஏற்படுத்தி, சாலையைச் சரியாகப் பராமரிக்க வேண்டும். ஆனால், அந்தத் தனியார் நிறுவனம் எந்த வசதிகளையும் இந்தச் சாலையில் செய்யவில்லை.

தொடர்புடைய நிறுவனம் பராமரிப்புப் பணிகளை சரிவர மேற்கொள்ளவில்லை என்ற காரணத்தால், இந்த நிறுவனத்துக்கு வழங்கப்பட்ட ஒப்பந்தத்தை தேசிய நெடுஞ்சாலை நிர்வாகம் கடந்த 2023-ஆம் ஆண்டு ரத்து செய்தது.