கேரளத்தில் முன்கூட்டியே தொடங்கியது தென்மேற்குப் பருவமழை

கேரள மாநிலத்தில் தென்மேற்குப் பருவமழை முன்கூட்டியே தொடங்கியுள்ளதாக இந்திய வானிலை ஆய்வு மையம் அறிவித்தது.

- 

புது தில்லி, மே 24: கேரள மாநிலத்தில் தென்மேற்குப் பருவமழை முன்கூட்டியே தொடங்கியுள்ளதாக இந்திய வானிலை ஆய்வு மையம் அறிவித்தது.

கடந்த 2009-ஆம் ஆண்டுக்குப் பிறகு தென்மேற்குப் பருவமழை முன்கூட்டியே தொடங்கியிருப்பது நிகழாண்டுதான்.

வழக்கமாக தென்மேற்குப் பருவமழை ஜூன் 1-ஆம் தேதி தொடங்கி ஜூலை 8-ஆம் தேதிக்குள் நாடு முழுவதும் பரவலாகப் பெய்யும். பின்னர், செப்டம்பர் 17-ஆம் தேதிமுதல் வடமேற்கு இந்தியாவில் இருந்து விடைபெறத் தொடங்கி, அக்டோபர் 15-க்குள் முழுமையாக நிறைவடையும்.

16 ஆண்டுகளுக்குப் பிறகு நிகழாண்டில் 8 நாள்கள் முன்னதாக மே 24-ஆம் தேதியே தென்மேற்குப் பருவமழை தொடங்கியுள்ளது. கடந்த 2009-ஆம் ஆண்டில் பருவமழை மே 23-ஆம் தேதி தொடங்கியது குறிப்பிடத்தக்கது.