ராபர்ட் வதேராவிடம் 5 மணி நேரம் அமலாக்கத் துறை விசாரணை

நில ஒப்பந்த பண முறைகேடு வழக்கு

- 

புது தில்லி, ஏப்.15: நில ஒப்பந்தம் தொடர்பான பண முறைகேடு வழக்கு குறித்து காங்கிரஸ் கட்சியின் பொதுச் செயலர் பிரியங்கா காந்தியின் கணவர் ராபர்ட் வதேரா விடம் சுமார் 5 மணி நேரம் அமலாக்கத் துறை செவ்வாய்க்கிழமை விசாரணை மேற்கொண்டது.

கடந்த 2008-ஆம் ஆண்டு ராபர்ட் வதேரா இயக்குநராக இருந்த ஸ்கைலைட் ஹாஸ்பிடாலிட்டி தனியார் நிறுவனம், ஹரியாணா மாநிலம் குருகிராமின் மனேசர்-ஷிகோபூர் பகுதியில் 3.5 ஏக்கர் நிலத்தை வாங்கியது. ஓம் காரேஸ்வர் பிராபர்ட்டீஸ் என்ற நிறுவனத்திடம் இருந்து ரூ.7.5 கோடிக்கு அந்த நிலம் வாங்கப்பட்டது.