அமெரிக்கா-ஈரான் மீண்டும் மோதல்

ஹோர்முஸ் நீரிணையில் கப்பல்கள் தாக்கப்பட்ட விவகாரத்தால் பதற்றம்

- 

ஹோர்முஸ் நீரிணையில் ஈரானால் அங்கீகரிக்கப்படாத வழித்தடத்தில் கடந்து செல்ல முயன்ற வணிகக் கப்பல்கள் தாக்கப்பட்டதையடுத்து, அமெரிக்கா-ஈரான் இடையே மீண்டும் மோதல் வெடித்தது.

அண்மையில் இருநாடுகளுக்கு இடையே இடைக்கால அமைதி ஒப்பந்தம் கையொப்பமான பிறகு நடைபெறும் மிக மோசமான தாக்குதல் இதுவாகும். அமைதி ஒப்பந்தத்தை மீறிவிட்டதாக இரு தரப்பும் பரஸ்பரம் குற்றஞ்சாட்டியுள்ளன.

ஈரான்-அமெரிக்கா போர் தொடங்கியதையடுத்து, ஹோர்முஸ் நீரிணை மூடப்பட்டது. இதற்கு மத்தியில் இருதரப்புக்கும் இடையே போர் நிறுத்தம் எட்டப்பட்டாலும் ஹோர்முஸ் நீரிணை முடக்கமும், ஈரான் துறைமுகங்களுக்கு எதிரான அமெரிக்காவின் கடல்வழி முற்றுகையும் தொடர்ந்து நீடித்தது.