பெட்ரோலில் 20% எத்தனால் கலப்புக்கு எதிரான மனு: உச்சநீதிமன்றம் தள்ளுபடி

பெட்ரோலில் 20% எத்தனால் கலந்து விற்பனை செய்வதை நாடு முழுவதும் விரிவுபடுத்தும் மத்திய அரசின் முடிவுக்கு எதிராக தாக்கல் செய்யப்பட்ட பொதுநல மனுவை உச்சநீதிமன்றம் திங்கள்கிழமை தள்ளுபடி செய்தது.

- 

புது தில்லி, செப். 1:

கரும்பு, சோளம் உள்ளிட்டவற்றில் இருந்து எடுக்கப்படும் எத்தனால் பெட்ரோலுடன் 10 சதவீதம் கலக்கப்பட்டு விற்பனை செய்யப்பட்டு வந்த நிலையில், அடுத்த கட்டமாக இதனை 20 சதவீதமாக மத்திய அரசு உயர்த்தி நாடு முழுவதும் விநியோகிக்கத் தொடங்கியுள்ளது.

இ20 பெட்ரோல் என அழைக்கப்படும் இந்த எரிபொருளுக்கு ஏற்ப இப்போது புதிதாக தயாரிக்கப்படும் வாகனங்கள் மட்டுமே சிறப்பாக செயல்படும் என்று பழைய வாகனங்களில் இந்த பெட்ரோலைப் பயன்படுத்தினால் வாகனத்தின் பெட்ரோல் டேங்க் துருப்பிடிப்பது முதல் வாகனத்தின் என்ஜின், செயல்திறனில் பாதிப்பு ஏற்படுகிறது என குற்றச்சாட்டு எழுந்தது.