ராகுல், ஸ்டாலின், அகிலேஷ் தொகுதிகளில் போலி வாக்காளர்கள்

அனுராக் தாக்குர் குற்றச்சாட்டு

- 

புது தில்லி, ஆக. 13: மக்களவை எதிர்க்கட்சித் தலைவர் ராகுல் காந்தி, வயநாடு எம்.பி. பிரியங்கா காந்தி, தமிழக முதல்வர் மு.க.ஸ்டாலின், சமாஜவாதி தலைவர் அகிலேஷ் யாதவ் உள்ளிட்ட எதிர்க்கட்சித் தலைவர்கள் போட்டியிட்ட தொகுதிகளில் போலி வாக்காளர்கள் உள்ளதாக முன்னாள் மத்திய அமைச்சர் அனுராக் தாக்குர் புதன்கிழமை குற்றஞ்சாட்டினார்.

கடந்த மக்களவைத் தேர்தலில் தேர்தல் ஆணையத்தின் உதவியுடன் மத்தியில் ஆளும் பாஜக 'வாக்குத் திருட்டில்' ஈடுபட்டதாக சில தினங்களுக்கு முன்னர் குற்றஞ்சாட்டிய மக்களவை எதிர்க்கட்சித் தலைவர் ராகுல் காந்தி, கர்நாடக வாக்காளர் பட்டியலில் முறைகேடு நடைபெற்றதாக சில ஆதாரங்களையும் வெளியிட்டார்.

அதேநேரம், ராகுல் வெளியிட்ட தரவுகள் தவறானவை என்று தேர்தல் ஆணையம் மறுப்பு தெரிவித்தது.