தண்டனைக் காலம் முடிந்ததும் கைதிகளை உடனடியாக விடுவிக்க வேண்டும்

மாநிலங்களுக்கு உச்சநீதிமன்றம் உத்தரவு

- 

புது தில்லி, ஆக.12: 'தண்டனைக் காலம் முடிந்தவுடன் கைதிகளை உடனடியாக சிறையிலிருந்து விடுவிக்க வேண்டும்' என்று அனைத்து மாநிலங்கள், யூனியன் பிரதேசங்களுக்கு உச்ச நீதிமன்றம் செவ்வாய்க்கிழமை உத்தரவிட்டது.

உத்தரப் பிரதேச மாநில அரசியல்வாதியான டி.பி.யாதவின் மகள் பார்தி யாதவை காதலித்த மாற்று சமூகத்தைச் சேர்ந்த நிதீஷ் கட்டாரா என்பவர் கடந்த 2002-ஆம் ஆண்டு ஆணவக் கொலை செய்யப்பட்டார்.

இந்த கொலை வழக்கில் முக்கிய குற்றவாளிகளான விகாஸ் யாதவ், அவரின் உறவினர் விஷால் யாதவ் ஆகியோருக்கு உச்சநீதிமன்றம் கடந்த 2016-ஆம் ஆண்டு அக்டோபர் 3-ஆம் தேதி 25 ஆண்டுகள் சிறைத் தண்டனை விதித்தது.

கொலைக்கு உடந்தையாக இருந்த சுக்தேவ் யாதவுக்கு 20 ஆண்டுகள் சிறைத் தண்டனை விதித்தது.