ஜம்மு-காஷ்மீர்: ஓடையில் வாகனம் கவிழ்ந்து 3 சிஆர்பிஎஃப் வீரர்கள் உயிரிழப்பு

ஜம்மு-காஷ்மீரின் உதம்பூர் மாவட்டத்தில் ஓடையில் கனரக வாகனம் கவிழ்ந்ததில் மத்திய ரிசர்வ் போலீஸ் படை (சிஆர்பிஎஃப்) வீரர்கள் 3 பேர் உயிரிழந்தனர். மேலும் 15 பேர் காயமடைந்தனர்.

- 

ஜம்மு, ஆக. 7:

உதம்பூர் மாவட்டத்தின் கத்வா பகுதியில் வியாழக்கிழமை காலை 10.30 மணியளவில் இந்த விபத்து நேரிட்டது. சிஆர்பிஎஃப்-இன் 187-ஆவது படையணியைச் சேர்ந்த 23 வீரர்கள், வசந்த்கர் பகுதியில் ஒரு நடவடிக்கையில் ஈடுபட்டுவிட்டு, கனரக வாகனத்தில் தங்கள் முகாமுக்கு திரும்பிக்கொண்டிருந்தனர். அப்போது, எதிர்பாராதவிதமாக ஓடையில் வாகனம் கவிழ்ந்து விபத்துக்குள்ளானது.