வணிக வளாகங்களின் குத்தகை விவகாரம்: அரசின் விதிகளை முறையாகப் பின்பற்ற உத்தரவு

வணிக வளாகங்களின் குத்தகை விவகாரத்தில் உள்ளாட்சி அமைப்புகள் தமிழக அரசின் விதிகளை முறையாகப் பின்பற்ற வேண்டும் என சென்னை உயர் நீதிமன்ற மதுரை அமர்வு வெள்ளிக்கிழமை உத்தரவிட்டது.

- 

மதுரை, ஜூலை 18:

மதுரை மானகிரி பகுதியைச் சேர்ந்த வழக்குரைஞர் செல்வகுமார் சென்னை உயர்நீதிமன்ற மதுரை அமர்வில் தாக்கல் செய்த பொது நல மனு: உள்ளாட்சி நிதியை மேம்படுத்தும் நோக்கில் வணிக வளாகங்கள், தினசரி, வாரச் சந்தைகள், சமுதாயக் கூடங்கள் கட்டப்பட்டு குத்தகைக்கு விடப்படுகின்றன. இவற்றுக்கான குத்தகையின் போது அரசியல் கட்சியினர் அவர்களுக்கு சாதகமானவர்களுக்கு வழங்கப் பரிந்துரை செய்கின்றனர். இவர்கள் முறையாக குத்தகைத் தொகையைச் செலுத்துவதில்லை. இதனால், உள்ளாட்சி அமைப்புகளுக்கு பெரும் நிதி இழப்பு ஏற்படுகிறது.