மருத்துவமனைக்குக் கொண்டு சென்ற போது 5 போலீஸாரை காவலில் எடுத்து அஜித்குமார் உயிரிழப்பு விசாரிக்க சிபிஐ முடிவு

சிவகங்கை மாவட்டம், மடப்புரம் கோயில் காவலாளி அஜித்குமார் திருப்புவனம் அரசு மருத்துவமனைக்குச் சிகிச்சைக்காகக் கொண்டு சென்ற போது வழியிலேயே உயிரிழந்தார் எனத் திருப்புவனம் அரசு மருத்துவமனை வழங்கிய இறப்புச் சான்றிதழில் தெரிவிக்கப்பட்டது.

- 

மானாமதுரை, ஜூலை 16: சிவகங்கை மாவட்டம், மடப்புரம் கோயில் காவலாளி அஜித்குமார் திருப்புவனம் அரசு மருத்துவமனைக்குச் சிகிச்சைக்காகக் கொண்டு சென்ற போது வழியிலேயே உயிரிழந்தார் எனத் திருப்புவனம் அரசு மருத்துவமனை வழங்கிய இறப்புச் சான்றிதழில் தெரிவிக்கப்பட்டது.

மடப்புரம் பத்ரகாளியம்மன் கோயிலுக்கு வந்த பேராசிரியை நிகிதாவின் காரில் வைத்திருந்ததாகக் கூறப்படும் நகைகள் காணாமல் போனது தொடர்பாக, அந்தக் கோயில் காவலாளி அஜித்குமாரை மானாமதுரை தனிப்படை போலீஸார் கண்ணன், ராஜா, பிரபு, சங்கரமணிகண்டன், ஆனந்த் ஆகியோர் விசாரணைக்கு அழைத்துச் சென்றனர்.

விசாரணையின் போது, தனிப்படை போலீஸார் தாக்கியதில் அஜித்குமார் மயக்கம் அடைந்தார். இதையடுத்து, அஜித்குமாரைத் தனிப்படை போலீஸார் திருப்புவனம் அரசு மருத்துவமனைக்குக் கொண்டு சென்றனர்.

அங்கு அவரைப் பரிசோதித்த மருத்துவர் கார்த்திகேயன் ஏற்கனவே அவர் இறந்துவிட்டதாகத் தெரிவித்தார். இதன்பிறகு, அஜித்குமார் உடல் மதுரை அரசு ராஜாஜி மருத்துவமனைக்குக் கொண்டு செல்லப்பட்டு, கூறாய்வு செய்யப்பட்டது.