உரத் தட்டுப்பாடு: மத்திய அரசு மீது ராகுல் குற்றச்சாட்டு

விவசாயிகள் போதிய உரம் கிடைக்காமல் திண்டாடி வரும் நிலையில், மத்திய அரசு இந்த விஷயத்தில் எவ்வித நடவடிக்கையும் எடுக்கவில்லை என எதிர்க்கட்சித் தலைவர் ராகுல் காந்தி குற்றஞ்சாட்டினார்.

- 

புது தில்லி, ஜூலை 2:

இது தொடர்பாக தனது முகநூல் பக்கத்தில் அவர் புதன்கிழமை வெளியிட்ட பதிவில் மேலும் கூறியிருப்பதாவது:

டிஏபி, யூரியா போன்ற அத்தியாவசிய உரங்கள் கிடைக்காமல் விவசாயிகள் திண்டாடி வருகின்றனர். நாடு முழுவதும் ஒரே நேரத்தில் இந்த அளவுக்கு உரத்தட்டுப்பாடு ஏற்படுவது இதுவே முதல் முறை. மேலும், சிறப்பு உரங்களை இந்தியாவுக்கு ஏற்றுமதி செய்வதை சீனா நிறுத்தி வருகிறது.