கீழடி அகழாய்வை அங்கீகரிக்க அறிவியல்ரீதியான தரவுகள் தேவை

மலிவான அரசியலுக்காக வரலாறு காத்திருக்காது

- 

சென்னை, ஜூன் 10: கீழடி அகழாய்வை அங்கீகரிக்க அறிவியல்ரீதியான தரவுகள் தேவை என்று மத்திய கலாசார மற்றும் சுற்றுலாத்துறை அமைச்சர் கஜேந்திர சிங் ஷெகாவத் செவ்வாய்க்கிழமை தெரிவித்தார்.

கீழடி மற்றும் தமிழ் மொழியின் தொன்மையை அங்கீகரிப்பதற்கு மத்திய அரசுக்கு எவ்விதத் தயக்கமும் இல்லையெனவும் அவர் தெரிவித்தார்.

பிரதமர் நரேந்திர மோடி தலைமையிலான அரசு 11 ஆண்டு காலத்தை நிறைவு செய்வதை யொட்டி, சென்னையில் செய்தியாளர்களிடம் மத்திய அமைச்சர் கஜேந்திர சிங் ஷெகாவத் கூறியதாவது:

பிரதமர் மோடி தலைமையிலான அரசு 11 ஆண்டுகளை பூர்த்தி செய்திருக்கிறது. இந்தக் காலகட்டத்தில் நாட்டில் அனைத்துத் துறைகளிலும் பரவலான வளர்ச்சி, முன்னேற்றம் காணப்பட்டுள்ளது.