பிஆர்எஸ் கட்சியிலிருந்து கவிதா விலகல்; எம்எல்சி பதவியையும் ராஜிநாமா செய்தார்

பாரத ராஷ்டிர சமிதி (பிஆர்எஸ்) நிறுவனரும் தலைவருமான கே.சந்திரசேகர் ராவின் மகள் கவிதா அக்கட்சியில் இருந்து விலகினார். தெலங்கானா சட்ட மேலவை உறுப்பினர் (எம்எல்சி) பதவியையும் அவர் ராஜிநாமா செய்தார்.

- 

ஹைதராபாத், செப். 3:

ஹைதராபாத்தில் புதன்கிழமை தனது ஆதரவாளர்களுடன் செய்தியாளர்களைச் சந்தித்த கவிதா இது தொடர்பாக கூறியதாவது:

கட்சியில் எந்தப் பதவிக்கும் நான் ஆசைப்படவில்லை. எம்எல்சி பதவியை ராஜிநாமா செய்யும் கடிதத்தை கட்சித் தலைவர் கே.சந்திரசேகர் ராவுக்கு அனுப்பிவிட்டேன். பிஆர்எஸ் கட்சியின் அடிப்படை உறுப்பினர் என்ற நிலையில் இருந்தும் விலகிவிட்டேன். இது தொடர்பான கடிதத்தையும் கட்சித் தலைவருக்கு அனுப்பியுள்ளேன்.