ஜாதியமைப்பும் ஆணவக் கொலைகளும்...

அனைவரும் சமம் என்ற நிலையை உணர்த்தாது மக்களை அவரவர்தம் வர்ணங்களையும், வகுப்புகளையும் வளர்க்கும் நடைமுறை சட்டங்களை, திட்டங்களைத் தவிர்க்க சபதம் ஏற்க வேண்டும். குறைந்தது இனி 50 ஆண்டுகளுக்காவது ஜாதி, மதம் பெயரால் எதையும் நிலைநிறுத்தும் முயற்சியாக அரசு எதையும் செய்யக் கூடாது.

- டி.எஸ். தியாகராசன்

தயம் கவர் இதிகாசம் இராமாயணத்தை யாத்தவன் வேட்டுவக் குலத் தோன்றல் வால்மீகி. பார்புகழ் பாரதத்தை, மகாபாரதமாக்கி மகிழ்ந்தவன் செம்படவர் குலவழி வந்த வியாசன். கோடானு கோடி பேர் தினம் உச்சாடனம் செய்யும் உயர் மந்திரம் காயத்ரியை செப்பியவன் க்ஷத்ரியகுல மகன் விசுவாமித்திரன். அப்போதெல்லாம் மக்கள் எப்பொருள் யார் யார் வாய்க்கேட்பி னும் என்னுமாப்போல அவரவரின் பிறப் பின் அடையாளம் காணாது அவர்கள் படைத்த சாத்திரத்தைப் படித்தார்கள். பயன்பல பெற்றார்கள்.

தொன்மை வேத இலக்கியமான 'ரிக்' நூலிலும் வேற்றுமைக் கீற்றுக்கள் புலப் படவில்லை. மாவீரன் அலெக்சாண்டரின் படைத் தளபதிகள் அந்நாளைய குப்த, மௌரிய பேரரசுகளில் திருமண உறவு கொண்டபோதும் ஜாதிகள் பேசப் படவில்லை. பல்லவர் ஆட்சிக் கட்டிலில் இருந்த சமயத்தில் அந்தணர்களோடு பிற ஜாதியினரும் திருமண உறவு வைத்திருந் ததாக வரலாறு பேசும் காலை கொடிய ஜாதீயம் தென்படவில்லை.