சுருக்குமடி வலை பயன்பாட்டை தடுக்கக் கோரி கடலில் இறங்கி மீனவர்கள் போராட்டம்

சுருக்குமடி, இரட்டைமடி வலை பயன்பாட்டை தடுக்கக் கோரி தரங்கம்பாடி மற்றும் வானகிரியில் மீனவர்கள் கடலில் இறங்கி போராட்டத்தில் செவ்வாய்க்கிழமை ஈடுபட்டனர்.

- 

தரங்கம்பாடி/ பூம்புகார், செப். 2:

மயிலாடுதுறை மாவட்டத்தில் 28 மீனவக் கிராமங்கள் உள்ளன. இவற்றில் சில கிராமங்கள் சுருக்குமடி வலைக்கு ஆதரவாகவும், சில கிராமங்கள் சுருக்குமடி வலை பயன்பாட்டுக்கு எதிராகவும் செயல்பட்டு வருகின்றன.

இந்தநிலையில், தரங்கம்பாடி பகுதியில் சில கிராம மீனவர்கள், கடல் வளத்தை பாதுகாக்கும் வகையில் சுருக்குமடி வலை, இரட்டைமடி வலை மற்றும் அதிவேக திறனுடைய என்ஜின் கொண்ட படகுகளை பயன்படுத்துவதை தடுக்கக் கோரி தொடர்ந்து போராட்டம் நடத்தி வருகின்றனர். எனினும், பூம்புகார், சந்திரபாடி மீனவ கிராமங்களைச் சேர்ந்த மீனவர்கள் சுருக்குமடி வலை பயன்பாட்டுக்கு ஆதரவு தெரிவிப்பதோடு, சுருக்குமடி வலையை பயன்படுத்தி மீன்பிடித் தொழிலில் ஈடுபட்டு வருவதாகக் கூறப்படுகிறது.