வங்கிகள் வழங்கும் தொழிற்கடன் 8 சதவீதமாக சரிவு

இந்தியாவில் தொழில் நிறுவனங்களுக்கு வங்கிகள் வழங்கும் கடன் கடந்த ஜூனில் 7.6 சதவீதமாக சரிந்துள்ளது.

- 

மும்பை, ஆக. 30: இது குறித்து ரிசர்வ் வங்கி வெளியிட்டுள்ள தரவுகள் தெரிவிப்பதாவது:

கடந்த 2024 ஜூன் மாதத்தில் வங்கிகள் வழங்கிய தொழிற்கடன் 11.3 சதவீதமாக இருந்தது. அது இந்த ஆண்டு ஜூனில் 7.6 சதவீதமாகக் குறைந்துள்ளது.

மதிப்பீட்டு மாதத்தில் வங்கிகள் வழங்கிய ஒட்டுமொத்த கடன் 9.9 சதவீதமாகச் சரிந்துள்ளது. கடந்த ஆண்டு ஜூன் மாதத்தில் அது 15 சதவீதமாக இருந்தது.

கடந்த ஜூன் மாதத்தில் வங்கிகள் வழங்கிய ஒட்டுமொத்த கடனில் 9 சதவீதத்துக்கும் குறைவான வட்டி விகிதம் கொண்ட கடனின் பங்களிப்பு 54.1 சதவீதமாக இருந்தது. கடந்த ஆண்டு இது 43.2 சதவீதமாக இருந்தது. ரிசர்வ் வங்கியின் ரெப்போ விகிதக் குறைப்பு இதற்கு காரணமாகும்.

கடந்த ஏப்ரல்-ஜூன் காலகட்டத்தில் நிலுவையில் உள்ள கடன்களின் சராசரி வட்டி விகிதம் 39 அடிப்படைப் புள்ளிகள் குறைந்துள்ளது.