103 பதக்கங்களுடன் இந்தியா நிறைவு

கஜகஸ்தானில் நடைபெற்ற ஆசிய துப்பாக்கி சுடுதல் சாம்பியன்ஷிப்பில் சீனியர், ஜூனியர், யூத் என 3 பிரிவுகளிலுமாக இந்தியா 52 தங்கம், 26 வெள்ளி, 25 வெண்கலம் என 103 பதக்கங்களுடன் நிறைவு செய்தது.

- 

இதில் சீனியர் பிரிவில் மட்டும் இந்தியா 14 தங்கம், 8 வெள்ளி, 9 வெண்கலம் என 31 பதக்கங்களுடன் முதலிடம் பிடித்தது.

முன்னதாக போட்டியின் கடைசி நாளான வெள்ளிக்கிழமை, 25 மீட்டர் சென்டர் ஃபையர் பிஸ்டல் ஆடவர் அணிகள் பிரிவில் இந்தியாவின் ராஜ்கன்வர் சிங் சந்து, குர்பிரீத் சிங், அங்குர் கோயல் ஆகியோர் அடங்கிய அணி 1,733 புள்ளிகளுடன் தங்கம் வென்றது. அதிலேயே தனிநபர் பிரிவில் ராஜ்கன்வர் 583 புள்ளிகளுடன் தங்கம் வென்று அசத்தினார்.

50 மீட்டர் ரைஃபிள் புரோன் மகளிர் அணிகள் பிரிவில், மனினி கௌஷிக், சுரபி பரத்வாஜ், விதர்சா கோசலும்கல் ஆகியோர் அடங்கிய இந்திய அணி 1,846 புள்ளிகளுடன் 2-ஆம் இடம் பிடித்தது.