அமைச்சர் வீடு முன் திமுகவினர் திரண்டதால் பரபரப்பு

திண்டுக்கல்லில் அமைச்சர் ஐ.பெரியசாமி, அவரது மகன்கள், மகள் ஆகியோருக்குச் சொந்தமான வீடுகள், ஆலைகள் என 5 இடங்களில் அமலாக்கத் துறையினர் சனிக்கிழமை சோதனையில் ஈடுபட்டபோது, திமுகவினர் திரண்டதால் பரபரப்பு ஏற்பட்டது.

- 

திண்டுக்கல், ஆக. 16:

தமிழக ஊரக வளர்ச்சித் துறை அமைச்சரும், திமுக மாநில துணைப் பொதுச் செயலருமான ஐ. பெரியசாமி திண்டுக்கல் கோவிந்தாபுரம் பகுதியில் உள்ள துரைராஜ்நகரில் வசித்து வருகிறார். இவரது மகனும், பழனி தொகுதி சட்டப்பேரவை உறுப்பினருமான பெ. செந்தில்குமார் திண்டுக்கல்-திருச்சி புறவழிச் சாலையிலுள்ள சீலப்பாடி பகுதியில் வசித்து வருகிறார். அமைச்சர் பெரியசாமியின் மகள் இந்திரா, துரைராஜ்நகரை அடுத்த வள்ளலார் நகரில் வசித்து வருகிறார்.