ராகுலுக்கு தலைமைத் தேர்தல் அதிகாரி நோட்டீஸ்

கடந்த மக்களவைத் தேர்தலின்போது, கர்நாடகத்தில் ஒரு பெண் இரண்டு முறை வாக்களித்ததாக ராகுல் காந்தி குற்றஞ்சாட்டிய நிலையில், இது தொடர்பான ஆவணங்களைக் கோரி, அவருக்கு மாநில தலைமைத் தேர்தல் அதிகாரி நோட்டீஸ் அனுப்பியுள்ளார்.

- 

புது தில்லி, ஆக. 10:

இந்த விவகாரத்தில், ராகுல் காண்பித்த ஆவணங்கள் சம்பந்தப்பட்ட தேர்தல் அதிகாரியால் வழங்கப்பட்டதல்ல என்றும் நோட்டீஸில் தெரிவிக்கப்பட்டுள்ளது.

கடந்த மக்களவைத் தேர்தலில், பெங்களூரு மத்திய மக்களவைத் தொகுதிக்குள்பட்ட 7 பேரவைத் தொகுதிகளில் 6-இல் காங்கிரஸுக்கு அதிக வாக்குகள் கிடைத்தன; ஆனால், மகாதேவபுரா பேரவைத் தொகுதியில் மட்டும் காங்கிரஸைவிட பாஜகவுக்கு 1,14,000 வாக்குகள் அதிகமாகப் பதிவானது. இதில் 1,00,250 வாக்குகள், 'வாக்குத் திருட்டு' மூலம் பெறப்பட்டது என்று மக்களவை எதிர்க்கட்சித் தலைவர் ராகுல் காந்தி அண்மையில் குற்றஞ்சாட்டியிருந்தார்.