ரஷியாவுடன் சமரசம்: உக்ரைனில் அதிகரிக்கும் ஆதரவு

ரஷிய அதிபர் விளாதிமீர் புதினும் அமெரிக்க அதிபர் டொனால்ட் டிரம்ப்பும் விரைவில் சந்திக்க உள்ளதாக ரஷிய அரசு வியாழக்கிழமை தெரிவித்தது.

- 

மாஸ்கோ, ஆக. 7:

இது குறித்து புதினின் வெளியுறவு ஆலோசகர் யூரி உஷாகோவ் கூறுகையில், இரு தலைவர்களும் இன்னும் சில நாள்களில் சந்திப்பதற்கான ஏற்பாடுகள் செய்யப்பட்டு வருவதாகக் கூறினார். இந்தச் சந்திப்புக்கான இடம் முடிவு செய்யப்பட்டு பின்னர் அறிவிக்கப்படும் என்றும் அவர் தெரிவித்தார்.

கடந்த ஜனவரியில் அமெரிக்காவின் அதிபராக டிரம்ப் மீண்டும் பதவியேற்றதற்குப் பிறகு அவருக்கும் புதினுக்கும் நடைபெறவிருக்கும் முதல் சந்திப்பாக இது இருக்கும். மேலும், மூன்று ஆண்டுகளுக்கும் மேலாக நீடித்துவரும் உக்ரைன்-ரஷியா போரில் இது முக்கிய மைல்கல்லாகக் கூறப்படுகிறது.