சாஸ்த்ரா பல்கலைக்கழகத்தில் விண்வெளி, பாதுகாப்பு நுட்பங்கள் தொடர்பான சிறப்பு மையம்

தஞ்சாவூர் 'சாஸ்த்ரா' பல்கலைக்கழகத்தில், விண்வெளி மற்றும் பாதுகாப்பு நுட்பங்கள் தொடர்பான சிறப்புமையம் அமைக்கப்படுவதாக ஆன்சிஸ் நிறுவனம் மற்றும் 'சாஸ்த்ரா' இணைந்து அறிவித்துள்ளன.

- 

தஞ்சாவூர் சாஸ்த்ரா பல்கலைக்கழகம் மற்றும் ஆன்சிஸ் நிறுவனம் இணைந்து விண்வெளி மற்றும் பாதுகாப்பு நுட்பங்கள் தொடர்பான சிறப்புமையம் அமைக்கப்படுவதற்கான தகவலை வெளியிட்ட துணைவேந்தர் எஸ். வைத்யசுப்ரமணியம், இந்தியா மற்றும் ஜப்பான் வட்டார துணைத் தலைவர் மைக் யாகர்.

தஞ்சாவூர், ஜூலை 29:

இதுகுறித்து பல்கலைக்கழகம் செவ்வாய்க்கிழமை வெளியிட்ட செய்திக் குறிப்பு:

உலகளவில் பொறியியல் சிம்யுலேஷன் துறையில் முன்னிலை வகிக்கும் ஆன்சிஸ் நிறுவனமும், தொழில்நுட்ப ஆராய்ச்சி, புதுமை மற்றும் திறன்கள் வளர்ச்சியை ஊக்குவிக்க 'சாஸ்த்ரா' பல்கலைக்கழகமும் இந்த முக்கிய ஒத்துழைப்பை மேற்கொண்டுள்ளன. இந்த சிறப்புமையம், மாணவர்கள், ஆராய்ச்சியாளர்கள், ஸ்டார்ட் அப்கள் மற்றும் பாதுகாப்பு, விண்வெளி துறையின் நிபுணர்கள் ஒருங்கிணைந்து பணியாற்றும் ஒரு புதுமையான மேடையாக அமையும்.