காஸா உணவு விநியோக முகாமில் நெரிசல்; 20 பேர் உயிரிழப்பு

காஸாவில் இஸ்ரேல் ஆதரவுடன் அமெரிக்காவால் நடத்தப்படும் காஸா மனிதாபிமான அறக்கட்டளையின் (ஜிஹெச்எஃப்) உணவு விநியோக மையத்தில் புதன்கிழமை ஏற்பட்ட கூட்ட நெரிசலில் 20 பாலஸ்தீனர்கள் உயிரிழந்தனர்.

- 

டெல் அவிவ், ஜூலை 16:

இது குறித்து ஜிஹெச்எஃப் வெளியிட்டுள்ள அறிக்கையில், கான் யூனிஸ் நகரில் உள்ள உணவுப் பொருள் விநியோக மையத்தில் 19 பேர் நெரிசலில் மிதிபட்டு, ஒருவர் குத்தப்பட்டும் உயிரிழந்ததாகத் தெரிவிக்கப்பட்டுள்ளது. ஹமாஸ் அமைப்பு பீதியை ஏற்படுத்தியதால் இந்த கூட்ட நெரிசல் ஏற்பட்டதாக அந்த அமைப்பு குற்றஞ்சாட்டியது. ஆனால் அதற்கான ஆதாரத்தை அது வெளியிடவில்லை.