நிலம் கையகப்படுத்த எதிர்ப்பு: என்எல்சியைக் கண்டித்து போராட்டம்

என்எல்சி இந்தியா நிறுவனம் நிலம் கையகப்படுத்துவதைக் கண்டித்து, கடலூர் மாவட்டம், நெய்வேலி வட்டம், வானாதிராயபுரம் கிராமத்தைச் சேர்ந்த மக்கள் வெள்ளிக்கிழமை உண்ணாவிரதப் போராட்டத்தில் ஈடுபட்டனர்.

- 

நெய்வேலி/ சிதம்பரம், ஜூலை 4:

என்எல்சி இந்தியா நிறுவனம் தனது சுரங்க விரிவாக்கப் பணிகளுக்காக வானாதிராயபுரம் கிராமத்தில் நிலம் கையகப்படுத்தும் பணி மேற்கொண்டுள்ளது. இந்த நிலையில், அந்தக் கிராம மக்கள் தங்கள் வீடு, நிலம் உள்ளிட்ட பகுதிகளை அளவீடு செய்வதற்கு என்எல்சி அதிகாரிகள் மற்றும் வருவாய்த் துறை அதிகாரிகளை அனுமதிக்க மாட்டோம் என்று கூறி, உண்ணாவிரதப் போராட்டத்தில் ஈடுபட்டனர்.

கைப்பேசி கோபுரத்தில் ஏறி...: அப்போது, போராட்டத்தில் பங்கேற்ற சிலர் தமிழக வாழ்வுரிமைக் கட்சி கொடியை கையில் ஏந்தியவாறு கைப்பேசி கோபுரத்தில் ஏறி போராட்டம் நடத்தினர். அவர்களுடன் போலீஸார் சமாதானப் பேச்சு நடத்தினர்.