குடியுரிமை உத்தரவு: விசாரணை நீதிமன்றங்களுக்கு கட்டுப்பாடு

அமெரிக்க உச்சநீதிமன்றம்

- 

வாஷிங்டன், ஜூன் 28: பிறப்பின் அடிப்படையில் அமெரிக்க குடியுரிமை பெறுவதில் மாற்றம் செய்து அந்நாட்டு அதிபர் டிரம்ப் கையொப்பமிட்ட நிர்வாக உத்தரவுக்கு நாடு முழுவதும் விசாரணை நீதிமன்றங்கள் தடை விதிக்க முடியாது என்று அந்நாட்டு உச்சநீதிமன்றம் தீர்ப்பளித்தது.

அமெரிக்காவில் பிறந்த எவரும் அந்நாட்டு குடிமகன் என்பதற்கு அமெரிக்காவின் பிறப்புரிமை குடியுரிமை உத்தரவாதம் அளிக்கிறது. இந்தக் குடியுரிமை என்பது அமெரிக்க அரசமைப்புச் சட்டத்தின் 14-ஆவது திருத்தத்தை அடிப்படையாகக் கொண்டது. இது பிற நாடுகளில் இருந்து உரிய சட்ட ஆவணங்கள் இல்லாமல் அமெரிக்காவில் குடியேறியவர்களுக்கும், தற்காலிகமாக அமெரிக்கா சென்றவர்களுக்கும் அந்நாட்டில் பிறக்கும் குழந்தைகளுக்கு அமெரிக்க குடியுரிமையைப் பெற வழிவகுத்துள்ளது.