சிபிஎஸ்இ 10-ஆம் வகுப்புக்கு இரண்டு முறை பொதுத் தேர்வு

பத்தாம் வகுப்புக்கு அடுத்த ஆண்டு முதல் இரண்டு முறை பொதுத் தேர்வை மத்திய இடைநிலைக் கல்வி வாரியம் (சிபிஎஸ்இ) நடத்த உள்ளது.

- 

புது தில்லி, ஜூன் 25:

முதல் கட்ட பொதுத் தேர்வு பிப்ரவரி மாதத்திலும், இரண்டாம் கட்ட பொதுத் தேர்வு மே மாதத்திலும் நடத்தப்படும். இதில் முதல் கட்ட பொதுத் தேர்வில் மாணவர்கள் பங்கேற்பது கட்டாயமாக்கப்பட்டுள்ளது. தேசிய கல்விக் கொள்கையில் பரிந்துரைக்கப்பட்டதன் அடிப்படையில் இந்த நடவடிக்கையை சிபிஎஸ்இ மேற்கொண்டுள்ளது.

இதுகுறித்து சிபிஎஸ்இ தேர்வுக் கட்டுப்பாட்டாளர் சன்யம் பரத்வாஜ் புதன்கிழமை கூறியதாவது: சிபிஎஸ்இ 10-ஆம் வகுப்புக்கு அடுத்த ஆண்டு முதல் பிப்ரவரி மற்றும் மே மாதங்களில் இரண்டு முறை பொதுத் தேர்வு நடத்தப்படும். தேர்வு முடிவுகள் முறையே ஏப்ரல் மற்றும் ஜூன் மாதங்களில் அறிவிக்கப்படும்.