ரயில்வே திட்டங்களுக்கான நிலம் விரைந்து கையகப்படுத்தப்படுகிறது

ரயில்வே திட்டங்களுக்கான நிலங்கள் விரைந்து கையகப்படுத்தப்படுவதாக தமிழக அரசு விளக்கம் அளித்துள்ளது.

- 

சென்னை, மார்ச் 12:

ரயில்வே திட்டங்களுக்கான நில எடுப்புகளில் தமிழக அரசு தாமதம் செய்வதாக மாநிலங்களவையில் அதிமுக எம்.பி. மு.தம்பிதுரை திங்கள்கிழமை பேசியபோது குற்றஞ்சாட்டினார். இதற்கு பதிலளிக்கும் வகையில் தமிழக அரசு சார்பில் புதன்கிழமை வெளியிடப்பட்ட அறிக்கை:

தமிழ்நாட்டில் ரயில்வே திட்டங்களுக்கு மொத்தமாக 2,197.02 ஹெக்டேர் நிலங்களை கையகப்படுத்துவதற்கு அரசால் அனுமதி வழங்கப்பட்டுள்ளது. குறிப்பாக, 17 திட்டங்களுக்கு 1,253.11 ஹெக்டேர் நிலங்கள் கையகப்படுத்த வேண்டியதில் 1144.84 ஹெக்டேர் நிலங்களுக்கான பணிகள் முடிவடைந்துள்ளன. நிலங்கள் ரயில்வே நிர்வாகத்திடம் ஒப்படைக்கப்பட்டுள்ளன.