மதுரை, கோவை மெட்ரோ ரயில்: தமிழக திட்ட அறிக்கை முழுமையாக இல்லை மாநிலங்களவையில் அமைச்சர் தகவல்

'மதுரை மற்றும் கோயம்புத்தூர் மெட்ரோ ரயில் திட்டங்களுக்காக தமிழக அரசு சமர்ப்பித்த திட்ட அறிக்கைகள் முழுமையாக இல்லை' என்று மாநிலங்களவையில் மத்திய அமைச்சர் திங்கள்கிழமை தெரிவித்தார்.

- 

புது தில்லி, மார்ச் 10:

மத்திய அமைச்சரவையால் கடந்த அக்டோபரில் அங்கீகரிக்கப்பட்ட சென்னை மெட்ரோ ரயில் திட்டம் குறித்தும் மதுரை மற்றும் கோயம்புத்தூர் மெட்ரோ ரயிலுக்கு நிலுவையில் உள்ள திட்டங்களை அனுமதிப்பது குறித்தும் மாநிலங்களவையில் கேள்வி எழுப்பப்பட்டது.

இந்தக் கேள்விகளுக்கு மத்திய நகர்ப்புற விவகாரங்கள் துறை அமைச்சர் மனோகர் லால் கட்டர் சார்பாக அமைச்சர் ஹர்தீப் சிங் புரி மாநிலங்களவையில் அளித்த பதிலில், 'கடந்த 2002-ஆம் ஆண்டு, முன்னாள் பிரதமர் வாஜ்பாய் தலைமையிலான மத்திய பாஜக அரசில் மெட்ரோ திட்டங்கள் நாட்டில் தொடங்கப்பட்டன.