உச்சகாரம் இரு மொழிக்கு உரித்தே...

பல்லாயிரம் ஆண்டுகளுக்குமுன்பே தோன்றிய பூச்சியினத்திலிருந்து பரிணாம வளர்ச்சியடைந்த உயிரினமே கொசுவாகும்.

- ரா. பரத்குமார்

இந்தக் கொசுக்களின் ஆண் இனம் தாவரங்களின் சாற்றைக் குடிக்கும்; பெண் இனம் உயிரினங்களின் குருதியைக் குடிக்கும்.இந்தப் பூச்சியினம் தோன்றிய காலத்தில் பறக்கின்ற, ரத்தம் குடிக்கிற திறனுடன் இருந்திருக்காது. என்றும் ஓரிடத்திலிருந்து மற்றோரிடத்திற்குத் தாவிச்செல்லும் ஒட்டுண்ணிவகைப் பூச்சியாக இருந்திருக்க வேண்டும் என்றும் அறிவியல் ஆய்வாளர்கள் கூறுகின்றனர்.

உலகில் தற்போது 3,500 வகையான கொசுக்கள் இருப்பதாகவும் ஆண்டுக்கு சுமார் 7,00,000 பேர் கொசுக்கடியால் உயிரிழப்பதாகவும் ஆய்வுகள் தெரிவிக்கின்றன. இந்தக் கொசுக்கள் சுமார் 2 கி.மீ. தொலைவுவரை தம்மைச் சுற்றியுள்ள உயிரினங்களின் உடற்சூடு, வியர்வை, அவை சுவாசிப்பின்போது வெளியிடும் கார்பன்-டை-ஆக்சைடு ஆகியவற்றை மோப்பம்பிடித்துத் தேடிச்சென்று கடிக்குமாம்.