டீசல் ரயில் விபத்து நிகழ்ந்த பகுதியில் சீரமைப்பு பணிகள் நிறைவு

ரயில்கள் வழக்கம்போல் இயங்கின

- 

திருவள்ளூர், ஜூலை 15: திருவள்ளூர் ரயில் நிலையம் அருகே டீசல் ஏற்றி வந்த சரக்கு ரயில் தடம் புரண்டு விபத்து நிகழ்ந்த பகுதியில் சேதமடைந்த இருப்பு பாதைகள் மற்றும் மின் இணைப்பு உள்ளிட்ட சீரமைப்பு பணிகள் அனைத்தும் செவ்வாய்க்கிழமை அதிகாலை நிறைவடைந்தன.

இந்த நிலையில், 20 கி.மீ. வேகத்தில் ரயில்கள் வழக்கம் போல் இயங்கின.

திருவள்ளூர் ரயில் நிலையம் அருகே ஞாயிற்றுக்கிழமை அதிகாலை டீசல் ஏற்றிச் சென்ற டேங்கர் ரயில் தடம் புரண்டு தீப்பற்றி விபத்துக்குள்ளானது. அதைத் தொடர்ந்து, தீ மளமள பரவியதில் 18 டேங்கர்களில் இருந்த டீசல் முற்றிலும் எரிந்து நாசமானது.