புதுச்சேரியில் இரவு ரோந்துப் பணிகளை தீவிரப்படுத்த காவல் துறையினருக்கு உத்தரவு

புதுச்சேரியில் இரவு ரோந்துப் பணிகளை தீவிரப்படுத்தும்படி காவலர்களுக்கு முதுநிலைக் காவல் கண்காணிப்பாளர் ஆர்.கலைவாணன் உத்தரவிட்டுள்ளார்.

- 

புதுச்சேரி, ஜூன் 9:

இது தொடர்பாக அவர் பிறப்பித்துள்ள உத்தரவில் கூறியிருப்பதாவது: நாள்தோறும் இரவு 11 முதல் அதிகாலை 4 மணி வரை காவல் துறை சார்பில் ரோந்துப் பணியில் ஈடுபட வேண்டும். துணைநிலை ஆளுநர் மாளிகை, சட்டப்பேரவை, பிரான்ஸ் தூதரகம், தலைமைச் செயலகம், காவல் துறை தலைமையகம், முக்கிய பிரமுகர்கள் இல்லம் உள்பட முக்கிய இடங்களில் ஆயுதம் தாங்கிய காவலர்கள் பணியில் ஈடுபடவேண்டும்.