உள்ளாட்சித் தேர்தல் முடிவுகள் எதிரொலி: கேரளத்தில் பல இடங்களில் கட்சியினர் மோதல்-வன்முறை

கேரளத்தில் உள்ளாட்சித் தேர்தல் முடிவுகள் சனிக்கிழமை வெளியானதைத் தொடர்ந்து, பல இடங்களில் குறிப்பாக வட மாவட்டங்களில் அரசியல் கட்சியினர் இடையே மோதல் ஏற்பட்டு, வன்முறைச் சம்பவங்கள் நிகழ்ந்தன.

- 

காவல் துறையினர் உள்பட பலர் காயமடைந்தனர்.கேரளத்தில் அண்மையில் நடைபெற்ற உள்ளாட்சித் தேர்தலில் பதிவான வாக்குகள் சனிக்கிழமை எண்ணப்பட்டு முடிவுகள் அறிவிக்கப்பட்டன. அடுத்த ஆண்டு பேரவைத் தேர்தலுக்கு முன்னோட்டமாகக் பார்க்கப்பட்ட இத்தேர்தலில் எதிர்க்கட்சியான காங்கிரஸ் தலைமையிலான ஐக்கிய ஜனநாயக முன்னணி அதிக இடங்களைக் கைப்பற்றியது. மொத்தமுள்ள 6 மாநகராட்சிகளில் 4-இல் வென்ற இக்கூட்டணி, பிற உள்ளாட்சி அமைப்புகளிலும் அமோக வெற்றியடைந்தது.

அதேநேரம், ஆளும் மார்க்சிஸ்ட் தலைமையிலான இடதுசாரி ஜனநாயக முன்னணி கடும் பின்னடைவைச் சந்தித்தது. இக்கூட்டணியால் ஒரேயொரு மாநகராட்சியை மட்டுமே தக்கவைக்க முடிந்தது. மற்றொருபுறம், 45 ஆண்டுகளாக இடதுசாரிகளின் கோட்டையாக இருந்த திருவனந்தபுரம் மாநகராட்சியை பாஜக கூட்டணி கைப்பற்றியது.

காங்கிரஸ் அலுவலகம் சூறை: