72 வழக்குகளில் தேடப்பட்ட மாவோயிஸ்ட் சுட்டுக் கொலை

ஜார்க்கண்டில் அதிரடி நடவடிக்கை

- 

கும்லா, ஆக. 6: ஜார்க்கண்டின் கும்லா மாவட்டத்தில் பாதுகாப்புப் படையினருடன் நடந்த துப்பாக்கிச் சண்டையில், 72 வழக்குகளில் தேடப்பட்டு வந்த மாவோயிஸ்ட் இயக்கத்தின் பிராந்திய கமாண்டர் சுட்டுக் கொல்லப்பட்டார்.

இது, ஜார்க்கண்ட் மாநிலத்தில் மாவோயிஸ்ட் இயக்கத்துக்கு விழுந்த பலத்த அடி என்று காவல் துறையினர் தெரிவித்தனர். அவர்கள் மேலும் கூறியதாவது: கும்லா மாவட்டத்தின் காம்தாரா காவல் நிலைய எல்லைக்குட்பட்ட வனப்பகுதியில் இந்திய மக்கள் விடுதலை முன்னணி (பிஎல்எஃப்ஐ) என்ற மாவோயிஸ்ட் இயக்கத்தினர் பதுங்கியிருப்பதாக கிடைக்கப் பெற்ற தகவலைத் தொடர்ந்து, அங்கு பாதுகாப்புப் படையினர் செவ்வாய்க்கிழமை இரவில் தேடுதல் வேட்டையில் ஈடுபட்டனர்.