சொல்லாற்றல் பலவீனமாக ஆகிவிடக் கூடாது

அமைச்சர் பழனிவேல் தியாகராஜனின் சொல்லாற்றல் அவருக்குப் பலமாக இருக்க வேண்டுமே தவிர, பலவீனமாக ஆகிவிடக் கூடாது என முதல்வர் மு.க.ஸ்டாலின் அறிவுரை கூறினார்.

- 

சென்னை, ஏப். 22:

திராவிட அறநெறியாளர் தமிழவேள் பி.டி.ராஜன் வாழ்வே வரலாறு எனும் நூலை சென்னையில் செவ்வாய்க்கிழமை வெளியிட்டு முதல்வர் மு.க.ஸ்டாலின் பேசியது:

1937 தேர்தலில் நீதிக் கட்சி தோற்கடிக்கப்பட்டபோது, என்றாவது ஒரு நாள் இதற்குப் பழிக்குப் பழிவாங்குவோம் என்று பி.டி.ராஜன் சொன்னார். முப்பது ஆண்டுகள் கழித்து, திராவிட முன்னேற்றக் கழகம் வரலாற்று வெற்றியைப் பெற்றபோது, 'பழிக்குப் பழி வாங்கப்பட்டது' என்று சொன்னார்.