அத்துமீறி கிணற்றை மூடியதைக் கண்டித்து விவசாயிகள் மறியல்

திண்டுக்கல் அருகே அத்துமீறி கிணற்றை மூடிய நெடுஞ்சாலைத் துறை அலுவலர்களைக் கண்டித்து, பாதிக்கப்பட்ட விவசாயிகளுடன் இணைந்து விவசாய சங்கத்தினர் திங்கள்கிழமை மறியல் போராட்டத்தில் ஈடுபட்டனர்.

- 

திண்டுக்கல், ஆக. 11:

திண்டுக்கல்லை அடுத்த முள்ளிப்பாடியிலிருந்து ஏ.வெள்ளோடு வரை சுமார் 19.4 கி.மீ. தொலைவுக்கு சுற்றுச்சாலை திட்டம் செயல்படுத்தப்படுகிறது. இந்தத் திட்டத்துக்காக கையகப்படுத்தப்படும் நிலங்களுக்கு 2013 நில கையகப்படுத்தும் சட்டத்தின் கீழ் இழப்பீடு வழங்க வேண்டும் என தமிழ்நாடு விவசாயிகள் சங்கம் வலியுறுத்தி வருகிறது. இதே சட்டத்தின் கீழ் திண்டுக்கல்-பொள்ளாச்சி நெடுஞ்சாலைத் திட்டப் பணிகளுக்காக கையகப்படுத்தப்பட்ட நிலங்களுக்கு இழப்பீடுத் தொகை வழங்கப்பட்டிருப்பதையும் விவசாயிகள் சுட்டிக்காட்டி வருகின்றனர்.