3,274 ஓட்டுநர், நடத்துநர் பணியிடங்கள்: ஜூலை 27-இல் எழுத்துத் தேர்வு

போக்குவரத்துக் கழகங்களில் காலியாக உள்ள 3,274 ஓட்டுநர், நடத்துநர் பணியிடங்களுக்காக விண்ணப்பித்துள்ள 22,000-க்கும் மேற்பட்டோருக்கான எழுத்துத் தேர்வு ஜூலை 27-இல் நடைபெறவுள்ளது.

- 

சென்னை, ஜூலை 18:

தமிழக அரசு போக்குவரத்து கழகங்களில் 8 கோட்டங்கள் உள்ளன. இவற்றில் உள்ள 20,000-க்கும் மேற்பட்ட பேருந்துகள் சுமார் 10 ஆயிரத்துக்கும் மேற்பட்ட வழித்தடங்களில் இயக்கப்பட்டு வருகின்றன.

கடந்த 2015-க்குப் பிறகு போக்குவரத்துக் கழகங்களில் புதிய பணியாளர்கள் நியமிக்கப்படாத நிலையில், திமுக ஆட்சிப் பொறுப்பேற்ற பின்னர், விரைவு போக்குவரத்துக் கழகத்தில் மட்டும் 685 பணியிடங்கள் நிரப்பப்பட்டன.