பண மோசடி: தொண்டு நிறுவனம் நடத்திய தம்பதி கைது

வாடிக்கையாளர்களிடம் ரூ.6 கோடி வரை மோசடி செய்ததாக அளிக்கப்பட்ட புகாரின் பேரில், பழனியில் தொண்டு நிறுவனம் நடத்திய தம்பதியை போலீஸார் வியாழக்கிழமை கைது செய்தனர்.

- 

திண்டுக்கல், ஜூலை 17:

திண்டுக்கல் மாவட்டம், பழனியைச் சேர்ந்தவர் செந்தில்குமார். இவரது மனைவி ஜெயந்தி, மைத்துனர் சக்திவேல் ஆகியோருடன் சேர்ந்து தொண்டு நிறுவனம் நடத்தி வந்தார். இந்த நிறுவனத்தின் நிர்வாகியாக சக்திவேல், தலைவராக செந்தில்குமார் ஆகியோர் செயல்பட்டு வந்தனர்.

இந்த தொண்டு நிறுவனத்தின் மூலம் பெண்களின் பொருளாதார வளர்ச்சிக்கு தொழில் சார்ந்த சேவையில் ஈடுபடுவதாகவும், வால்பாறையில் அரசின் உதவியோடு உண்டு உறைவிடப் பள்ளி நடத்துவதாகவும், புற்றுநோயால் பாதிக்கப்பட்ட குழந்தைகளைப் பராமரித்து வருவதாகவும் விளம்பரப்படுத்தினர்.