திருச்செந்தூர் முருகன் கோயில் குடமுழுக்கு தமிழிலும் நடைபெறும்

அமைச்சர் பி.கே. சேகர்பாபு

- 

திருப்பரங்குன்றம், ஜூன் 18: திருச்செந்தூர் சுப்பிரமணிய சுவாமி கோயில் குடமுழுக்கு தமிழிலும் நடைபெறும் என இந்து சமய அறநிலையத்துறை அமைச்சர் பி.கே. சேகர்பாபு தெரிவித்தார்.

திருப்பரங்குன்றம் சுப்பிரமணிய சுவாமி கோயிலில் நடைபெற்று வரும் திருப்பணிகளை புதன்கிழமை ஆய்வு செய்த அவர் செய்தியாளர்களிடம் மேலும் கூறியதாவது:

திருப்பரங்குன்றம் சுப்பிரமணிய சுவாமி கோயில் குடமுழுக்கு அடுத்த மாதம் 14-ஆம் தேதி நடைபெறுகிறது. இதையடுத்து, கோயில் ஸ்தானிக பட்டர் ராஜா, அறங்காவலர் குழுத் தலைவர் ப. சத்யபிரியா பாலாஜி, அறங்காவலர்கள் மேற்பார்வையில் கோயிலில் திருப்பணிகள் நடைபெற்று வருகின்றன. இந்தப் பணிகளை இந்து சமய அறநிலையத்துறை ஆணையர் ஸ்ரீதர், இணை ஆணையர் மாரியப்பன் உள்ளிட்டோர் ஆய்வு செய்தோம்.

ரூ.2.5 கோடியில் குடமுழுக்கு பணிகள் நடைபெற்று வரும் நிலையில், கூடுதலாக சில பணிகளைச் செய்ய அறிவுறுத்தினோம். மேலும் கோயிலில் பக்தர்களுக்குத் தேவையான அடிப்படை வசதிகளைச் செய்து தருவதற்கான ஆலோசனைகள் வழங்கப்பட்டன.