டாஸ்மாக் முறைகேடுப் புகார் 41 வழக்குகளின் நிலை என்ன? அறிக்கை அளிக்க தமிழக அரசுக்கு உத்தரவு

டாஸ்மாக் முறைகேடுப் புகார் தொடர்பாக பதிவு செய்யப்பட்ட 41 வழக்குகளின் நிலை குறித்த அறிக்கையை தாக்கல் செய்ய தமிழக அரசுக்கு சென்னை உயர்நீதிமன்றம் வியாழக்கிழமை உத்தரவிட்டது.

- 

சென்னை, மே 22:

டாஸ்மாக் கடைகளில் மது பானங்களை அதிக விலைக்கு விற்பனை செய்தது, பார் உரிமம் வழங்கியது உள்ளிட்டவற்றில் ரூ.1,000 கோடி அளவுக்கு முறைகேடுகள் நடந்துள்ளதாக புகார் கூறப்பட்டது.

இது தொடர்பாக, 2017 முதல் 2024 வரையிலான காலகட்டத்தில், ஊழல் தடுப்புத் துறையினர் 41 வழக்குகள் பதிவு செய்தனர்.

இந்த வழக்குகளின் அடிப்படையில் அமலாக்கத் துறையினர் பண முறைகேடு தடுப்புச் சட்டத்தின் கீழ் வழக்கு பதிந்து, டாஸ்மாக் தலைமை அலுவலகத்தில் கடந்த மார்ச் மாதம் சோதனை நடத்தினர்.

இந்நிலையில், இந்த முறைகேடுகள் தொடர்பாக, டாஸ்மாக் மற்றும் அதன் அதிகாரிகளுக்கு எதிராக ஊழல் தடுப்புத் துறை பதிவு செய்துள்ள வழக்குகளை, சிபிஐ-க்கு மாற்றக் கோரி, பாளை யங்கோட்டையைச் சேர்ந்த வழக்குரைஞர் வெங்கடாசலபதி சென்னை உயர்நீதிமன்றத்தில் பொது நல மனுவைத் தாக்கல் செய்துள்ளார்.