சபலென்கா, அல்கராஸ் வெற்றித் தொடக்கம்

ஆஸ்திரேலிய ஓபன் டென்னிஸ் போட்டியில் உலகின் நம்பர் 1 வீராங்கனை அரினா சபலென்கா, எம்மா ரடுகானு, எலினா ஸ்விட்டோலினா, ஆடவர் பிரிவில் முன்னணி வீரர்கள் கார்லோஸ் அல்கராஸ், ஸ்வெரேவ் வெற்றியுடன் தொடங்கினர்.

- 

நிகழாண்டு டென்னிஸ் சீசனின் முதல்கிராண்ட்ஸ்லாம் பந்தயமான ஆஸி. ஓபன், மெல்போர்ன் நகரில் நடைபெறும் நிலையில் முதல் சுற்று ஆட்டங்கள் ஞாயிற்றுக்கிழமை நடைபெற்றன.

மகளிர் பிரிவில் பெலாரஸின் அரினா சபலென்கா 6-4, 6-1 என்ற செட் கணக்கில் பிரான்ஸின் வைல்ட்கார்ட் வீராங்கனை டியான்ஸோவை வீழ்த்தி இரண்டாம் சுற்றுக்கு முன்னேறினார். கடந்த 2025 ஃபைனலில் மடிஸன் கீயிஸிடம் இறுதியில் அதிர்ச்சித் தோல்வியடைந்தார் சபலென்கா. தற்போது மூன்றாவது பட்டம் வெல்லும் முனைப்பில் உள்ளார்.