மகாராஷ்டிரம்: உள்ளாட்சி அமைப்புகளில் பாஜக-காங்கிரஸ் கூட்டணி

மகாராஷ்டிரத்தில் 2 நகர்மன்றங்களில் காங்கிரஸ், அகில இந்திய மஜ்லீஸ் கட்சிகளுடன் பாஜக கூட்டணி அமைத்துள்ளது.

- 

கடந்த ஆண்டு டிசம்பர் 20-ஆம் தேதி மகாராஷ்டிரா மாநிலம் தானே மாவட்டத்தில் 60 இடங்களைக் கொண்ட அம்பர்நாத் நகர் மன்றத் தேர்தல் நடைபெற்றது. இந்தத் தேர்தலில் அதிகபட்சமாக சிவசேனை 27 இடங்களில் வெற்றி பெற்றபோதிலும், பெரும்பான்மை பெறவில்லை. அதேவேளையில் பாஜக 14, காங்கிரஸ் 12, தேசியவாத காங்கிரஸ் 4 இடங்களில் வெற்றி பெற்றன. இதுதவிர சுயேச்சையாகப் போட்டியிட்ட இருவர் வெற்றி பெற்றனர்.

இதையடுத்து, நகர்மன்றத் தலைவரைத் தேர்ந்தெடுக்க 'அம்பர்நாத் விகாஸ் அகாடி' என்ற பெயரில் தேர்தலுக்குப் பிறகு பாஜக, காங்கிரஸ், தேசியவாத காங்கிரஸ் ஆகியவை கூட்டணி அமைத்தன. இந்தக் கூட்டணிக்கு சுயேச்சையாகப் போட்டியிட்ட ஒருவரும் ஆதரவு தெரிவித்தார். இதன்மூலம் அந்தக் கூட்டணி பெரும்பான்மைக்குத் தேவையான 30 இடங்களைத் தாண்டி, நகர்மன்றத் தலைவர் பதவியைக் கைப்பற்றியது.