அதிமுக பொதுச் செயலர் தேர்வு விவகாரம்: எடப்பாடி பழனிசாமிக்கு எதிரான வழக்கு ரத்து

அதிமுக பொதுச் செயலராக எடப்பாடி கே.பழனிசாமி தேர்வு செய்யப்பட்டதை எதிர்த்து உரிமையியல் நீதிமன்றத்தில் தொடரப்பட்ட வழக்கை ரத்து செய்து சென்னை உயர்நீதிமன்றம் வியாழக்கிழமை உத்தரவிட்டது.

- 

சென்னை, செப். 4:

கடந்த 2022-ஆம் ஆண்டு ஜூலை 11-ஆம் தேதி நடைபெற்ற பொதுக்குழுவில் அதிமுக பொதுச் செயலராக எடப்பாடி கே. பழனிசாமி தேர்வு செய்யப்பட்டது செல்லாது என அறிவிக்கக் கோரி சென்னை உரிமையியல் நீதிமன்றத்தில், திண்டுக்கல்லைச் சேர்ந்த சூரியமூர்த்தி என்பவர் வழக்குத் தொடர்ந்தார்.

இந்த வழக்கை நிராகரிக்கக் கோரி எடப்பாடி பழனிசாமி உரிமையியல் நீதிமன்றத்தில் மனு தாக்கல் செய்தார்.

இந்த வழக்கை விசாரித்த 4-ஆவது உதவி உரிமையியல் நீதிமன்றம், எடப்பாடி பழனிசாமி மனுவைத் தள்ளுபடி செய்தும், சூரியமூர்த்தியின் மனுவை விசாரணைக்கு ஏற்றுக்கொண்டும் கடந்த ஜூலை 31-ஆம் தேதி உத்தரவிட்டது.

இந்த உத்தரவை எதிர்த்து எடப்பாடி பழனிசாமி சென்னை உயர்நீதிமன்றத்தில் மனு தாக்கல் செய்தார்.